Երեկ գիշեր ղարաբաղա-ադրբեջանական հակամարտ զորքերի շփման գծում լարվածության ակտիվացումը սպասելի էր, քանի որ նման ձևաչափով յուրաքանչյուր գագաթաժողովից առաջ լարվածություն լինում է:
Այս մասին լրագրողների հետ զրույցում ասաց Միջազգային և անվտանգության հարցերի հայկական ինստիտուտի տնօրեն Ստեփան Սաֆարյանը:
«Ես նախկինում ևս ասել եմ, որ Վարշավայում մեկնարկող ՆԱՏՕ-ի գագաթաժողովից առաջ սահմանին պետք է սպասել լարվածության: 2014-ի ամառային լարվածությունն էլ էր ՆԱՏՕ-ի՝ ուելսյան գագաթաժողովից առաջ: Հիշեցնեմ, թե ինչպես էր Թուրքիան հրատապ խոսք տվել Ադրբեջանին, որ գագաթաժողովի ժամանակ բարձրացնելու է Ադրբեջանի հանդեպ ՆԱՏՕ-ի պարտավորությունների հարցը. թե ինչ պարտավորություններ են, այդպես էլ չիմացանք»,-ասաց նա։
Ստյոպա Սաֆարյանը Ադրբեջանի կողմից արկածախնդրությունների մեկնարկը պայմանավորում է Ռուսաստան-ՆԱՏՕ հարաբերություններով:
«Եթե Ադրբեջանը հիասթափվի, ապա կարող է նոր ագրեսիայի դիմել»,- ասաց Ստեփան սաֆարյանը: