GK Brand. Tribe Global ամերիկյան գովազդային գործակալության գործադիր տնօրեն և բրենդային հարցերով մասնագետ Վազգեն Քալայջյանը LinkedIn սոցցանցի իր էջում անդրադարձ է կատարել հայրենիքին առնչվող բրենդային տեսողական նույնականացման աշխատանքների ընթացքին, մասնավորապես տարբերանշանի ստեղծմանը, որի նպատակն է զարմանահրաշ երկրի էությունն արտահայտելը։
«Չափազանց կարևոր էր երաշխավորելը, որ նորաստեղծ բրենդը լիովին ներկայացներ երկրի ներուժը, ինչպես նաև նրա հարուստ պատմությունը, ավանդույթներն ու նրա ժողովրդի անսանձելի ուժը»,- ասել է հայ դիզայները։
Նրա խոսքով՝ գլխավոր հրամայականն էր ստեղծել հզոր, ազդեցիկ ինչ-որ բան, որը կարող է մեկնաբանվել տարբեր ձևերով։ Կրեատիվ թիվը աշխատանքների ընթացքում սկսում է փորձարկել մի քանի գրաֆիկական խորհրդանիշներ։
Վերջապես, տաղանդավոր դիզայներների թիմը, որն աշխատում է Վազգեն Քալայջյանի (գործադիր ստեծագործական տնօրեն) և Դին Մարտինի (ստեղծագործական տնօրեն) գլխավորությամբ, ստեղծել է աբստրակտ տարբերանշան, որը ստացել է «Հավերժական արև» անվանումը։
Տարբերանշանն իրենից ներկայացնում է փթթող ծաղիկ, որը խոհրդանշում է Հայաստանը որպես այն սակավաթիվ մշակույթներից մեկը, որը խորապես ազդել է աշխարհի տարբեր անկյունների վրա իր մտավոր, հոգևոր, գեղարվեստական, գիտական և գործարար ավանդով։
Ծաղկի թերթիկները տարածվում են ինչպես արևի շողեր՝ վերստեղծելով Հայաստանի հավերժության խորհրդանիշի ձևը։ Տարբերանշանը պատրաստված է եռագույն դրոշի գույներով։ Չորրորդ գույնը՝ մուգ կարմիրը, խորհրդանշոմ է նռան գույնը։ Այդ միրգը կենտոնական տեղ է զբաղեցնում հայկական մշակույթում։
Կենտրոնից դուրս տարածվող կետերը խորհրդանշում են հայկական սփյուռքը։ Տարբերանշանի տարրեր են հանդիսանում խորհրդանշական հայկական գույներով խճաքարերը. դա իզուր չէ, քանի որ Հայաստանը քարերի ու լեռների երկիր է։ Հայաստանը հայտնի է նաև քարի քանդակման արվեստով։ Փաստացի, Քարահունջը 3500 տարով ավելի հին է, քան Անգլիայի Սթոունհենջը, և 3000 տարով ավելի հին, քան եգիպտական բուրգերը։
Արև, էներգիա, հավերժություն, Հայաստանի քարեր, նռան հատիկներ, Հայաստանի ազգային գույներ… դրանք բազմաթիվ դրական զգացումներ ու ասոցիացիաներ կառաջացնեն մարդկանց մոտ։ «Մենք ստեղծեցինք աբստրակտ տարբերանշան, որը ոչ միայն գրավիչ է տեսողական առումով, այլև բաց՝ մեկնաբանության համար»,- ասել է Վազգեն Քալայջյանը։
Այն պետք է կանգնի ու պատմի աշխարհին՝ «Պատմությունը նոր է սկսվում»։