Սպիտակ տունը հուսով է, որ Էդվարդ Սնոուդենի կողմից բացահայտված՝ ԱՄՆ հատուկ ծառայությունների լրտեսության տվյալները չեն վնասի ԵՄ դաշնակիցների հետ հարաբերություններին: Այդ մասին հայտարարել է ԱՄՆ նախագահի մամլո քարտուղար Ջեյ Քարնին:
«Մինչ ներկա պահը մենք շատ սերտ հարաբերություններ ունեինք»,- ասել է նա:
«Կարծում եմ, որ վերջիվերջո, մենք համագործակցում ենք Եվրոպայի հետ այնքան հարցերի շուրջ և այնքան մոտ ենք շահերով, որ այդ հարաբերությունները մտերիմ կմնան, ու մենք կհամագործակցենք նրանց հետ անվտանգության, տնտեսական ոլորտներում և, անկեղծ ասած, կկիսենք ժողովրդավարական արժեքները, որոնք բարձր են ցանկացած հակասությունից»,- նշել է Սպիտակ տան ներկայացուցիչը:
