Հունիսի 22-ին Շուշիի առանձնակի գումարտակի հրամանատար, «Նոր Հայաստան» հանրային խորհրդի անդամ Ժիրայր Սեֆիլյանին սատարելու համար նրա համախոհները հավաքվել էին դատարանի առաջ: Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դիմացից բերման էր ենթարկվել «Կանանց ճակատ»- ի անդամ Սյուզան Սիմոնյանը:
«Առաջին լրատվական»- ի հետ զրույցում Սյուզան Սիմոնյանը ներկայացրեց դեպքի մանրամասները. «Երբ կարծեցինք, որ Ժ. Սէֆիլյանի մեքենան է դուրս գալիս, մենք որոշել էինք նստել հատակին, որ մեքենան մի քանի րոպե կանգնած մնա որպեսզի կարողանանք տեսնել:
Երբ ոստիկանները մոտեցան, պահանջեցին, որ վեր կենանք, ենթարկվեցինք: Հետո անցավ մեկ ժամ, պատի տակ կանգնած էի, ինձ մոտեցան 5 ոստիկան, առանց որևէ պարզաբան, միանգամից սկսեցին թևերիցս քաշել՝ ցավեցնելով: Ես ճչում էի ոչ թե նրա համար, որ բեման են ենթարկում, այլ նրա համար, որ շատ ուժեց ցավ էին պատճառում: Կարծում եմ՝ սա միտումնավոր էր արված:
Հաջորդ օրը գնացել եմ Կենտրոնի ոստիկանություն, այնտեղ բողոք եմ գրել, ցույց եմ տվել վնասվածքներս, գործ է հարուցվել, ուղարկվել քննչական ծառայություն:
Ես այն անձը չեմ, որ հավատում է մեր իշխանությանը, մեր ոստիկանությանը, բայց ես գանլու եմ մինչև վերջ և փորձելու եմ ամեն ինչ անել, որպեսզի այդ ոստիկանը պատիժ կրի:
Մանրամասները՝ տեսանյութում:
