Առաջիկա կես տարիների ընթացքում Եվրամիության խորհրդում կնախագահի Լիտվան: Ինչպես հաղորդում է ITAR-TASS-ը, Իռլանդիան այդ լիազորություններն այսօր հանձնել է Լիտվային:
Լիտվայի խորհրդարանի եվրոպական գործերով հանձնաժողովի նախագահ, խորհրդարանի փոխխոսնակ Գեդիմինաս Կիրկիլասը հայտարարել է, որ նախագահության առաջնային նպատակն «Արևելյան գործընկերություն» ծրագրին նոր շարժ հաղորդելն է, ինչպես նաև՝ էներգետիկ անվտանգության, ԵՄ արտաքին սահմանների պահպանության ամրապնդման հետ կապված հարցերը լուծելը:
«Մենք կփորձենք անել ամեն ինչ, որպեսզի ֆինանսական և տնտեսական ճգնաժամը մնա անցյալում, կփորձենք աջակցել մեխանիզմների ստեղծմանը՝ ճգնաժամային երևույթները կանխելու համար»,- ասել է նա:
Նախագահության ընթացքում Լիտվան կանցկացնի շուրջ 3000 տարբեր միջոցառումներ և հանդիպումներ Բրյուսելում ու Լյուքսեմբուրգում: Լիտվայում կկայանան շուրջ 180 միջոցառումներ, որոնցից 16-ը՝ նախարարների մակարդակով:
Նոյեմբերին Վիլնյուսում նշանակված է «Արևելյան գործընեկերության» անդամ պետությունների ղեկավարների հանդիպում:
Լիտվայի նախագահության բյուջեն կազմում է շուրջ 62 միլիոն եվրո:
