Եգիպտոսի նախագահ Մուհամմադ Մուրսիի կողմնակիցների և հակառակորդների ընդհարումների ժամանակ գիշերը զոհվել է առնվազն 14 մարդ: Սրանք հիվանդանոցների բժիշկների տվյալներն են՝ հայտնում է Reuters գործակալությունը:
Զոհերից 5-ը գրանցվել են Կահիրեի հարավային արվարձաններում, ևս 2-ը՝ «Մուսուլման եղբայրների» կենտրոնակայանի վրա հարձակման ժամանակ: Մոտ 600 մարդ վիրավորվել են՝ հստակեցրել է երկրի առողջապահության նախարարությունը:
Կիրակի կայացած հանրահավաքի կազմակերպիչների շարքում է «Տամարրուդ» երիտասարդական շարժումը: Շարժման ակտիվիստները հայտարարել են, որ վերջին 2 ամիսներին արդեն 22 մլն ստորագրություն են հավաքել՝ ուղղված Մուրսիի հրաժարականին:
Եգիպտոսի նախագահն արդեն հայտարարել է, որ մտադիր չէ լքել իր պաշտոնը, սակայն պատրաստ է երկխոսության:
