Եվրոպական տնտեսությունն այս տարվա սկզբից սկսել է աճել արագ տեմպերով: Eurostat-ի տվյալներով, միասնական եվրոպական արժույթի գոտում ՀՆԱ-ն 2011 թ. առաջին եռամսյակում նախորդ եռամսյակի համեմատ աճել է 0.8%-ով: Փորձագետները կարծում էին, որ այդ թիվը կկազմի 0.6%: Այս մասին հաղորդում է RBC-ն:
Եվրագոտու աճին ամենաշատը նպաստել է Գերմանիան, որի տնտեսությունն աճել է 1.5%-ով, թեպետ մասնագետները կանխատեսել էին 0.9%-ի աճ: Ֆրանսիական տնտեսությունը նույնպես լավ աճ է արձանագրել` 1%` կանխատեսված 0.6%-ի փոխարեն:
Կայքը նշում է, որ եվրագոտու մի խումբ երկրների տնտեսական աճերը սովորաբար կոմպենսացնում են մյուսների անհաջողությունները: Սակայն այս հարցում էլ է իրավիճակը բարվոք:
Ամենախնդրահարույց՝ հունական տնտեսությունն աճել է 0.8%-ով:
Ամենավատ վիճակը Պորտուգալիայում է, որի տնտեսական անկումն այս տարվա առաջին եռամսյակում կազմել է 0.7%:
