Բրիտանական մի շարք բանկեր դադարեցրել են եվրոպական միասնական արժույթի վաճառքը դրա նկատմամբ պահանջարկի կտրուկ աճի ֆոնին՝ Մեծ Բրիտանիայի հանրաքվեում Brexit-ի կողմնակիցների հաղթանակից հետո: Այս մասին գրում է Finanacial Times-ը:
Բրիտանական Royal Bank of Scotland (RBS) բանկը և դրա Natwest ստորաբաժանումը իրենց մասնաճյուղերում և համացանցում ֆիզիկական անձանց համար դադարեցրել են արժույթի փոխանակման ծառայությունները՝ փոխարժեքի տատանման պատճառով: Ինչպես հայտնել է RBS-ի ներկայացուցիչը՝ արտարժույթի փոխանակման ծառայությունների աշխատանքը հավանաբար կվերականգնվի երկուշաբթի:
Բացի այդ՝ Post Office Travel Money կայքը ժամանակավորապես դադարեցրել է իր աշխատանքը տեխնիկական պատճառներով՝ կապված հաճախորդների մեծ հոսքի հետ:
Բրիտանական զբոսաշրջային Thomas Cook խումբը դադարեցրել է նաև արժույթի առցանց գնումը և սահմանափակումներ է մտցրել 1000 ֆունտ ստերլինգի գնումների գործարքներում՝ կապված եվրոյի պահանջարկի կտրուկ աճի հետ:
