Sputnik լրատվական գործակալության փոխանցմամբ` հուլիսի 1-ին Սոչիում կայանալու է Սևծովյան տնտեսական համագործակցություն կազմակերպության (ՍԾՏՀԿ) արտգործնախարարների նիստը, որին մասնակցելու է նաև Վրաստանի արտգործնախարար Միխայիլ Ջանելիձեն:
Այդ մասին հայտնել է Վրաստանի ԱԳՆ-ն. «Արտգործնախարը կմեկնի Սոչի` մասնակցելու համար նախարարական հանդիպմանը, սակայն մենք չենք կարող մանրամասնել, թե ինչ մակարդակով կլինի հանդիպումը և ինչպիսին կլինի վրացական պատվիրակության կազմը»:
Ընդգծվում է, որ Ջանելիձեի այցը Սոչի կհանդիսանա Վրաստանի իշխանությունների բարձրաստիճան ներկայացուցչի առաջին այցը Ռուսաստան` սկսած երկու երկրների միջև դիվանագիտական հարաբերությունների խզումից: Երկու երկրների միջև դիվանագիտական հարաբերությունները խզվել են 2008 թվականի օգոստոսյան պատերազմից հետո:
