Վենեսուելայում հայտնաբերվել է կես տարի առաջ անհետացած ինքնաթիռը, որում գտնվել է «Միսսոնի» իտալական նորաձևության տան համասեփականատեր Վիտորիո Միսսոնին, նրա կինն ու ընկերները: Ինչպես հաղորդում է ITAR-TASS-ը, այս տեղեկատվությունը հաստատել են Իտալիայի ԱԳՆ-ում:
«Բեկորները հայտնաբերվել են Կարիբյան ծովում` 70 մ խորության վրա, ինքնաթիռը մասնատվել է, սակայն այն հաջողվել է ճանաչել շնորհիվ գրանցման համարի» ,- ասվում է ԱԳՆ հաղորդագրությունում:
Օդանավը, որը կառավարել են վենեսուելացի երկու օդաչուներ, անհետացել էր հունվարի 4-ին՝ Կարակասի Լոս-Ռոկեսի արշիպելագից թռչելուց հետո: Տեղի իշխանությունները մի քանի շաբաթ շարունակ որոնում էին անհայտ կորածներին: Որոնողափրկարարական աշխատանքներին մասնակցել է շուրջ 400 մարդ:
