Թուրքական Son dakika լրատվական կայքի փոխանցմամբ՝ Թուրքիայի նախագահի մամլո քարտուղար Իբրահիմ Քալընը Habertürk TV-ի եթերում, ի թիվս այլ իրադարձությունների, անդրադարձել է նաև Սիրիայի ճգնաժամին:
Նա հիշեցրել է, որ հետաձգվել են Ժնևյան բանակցությունները, և որ այդ հարցում չկա առաջընթաց. «Քանի դեռ Բաշար Ասադն այնտեղ է, այս քաղաքացիական պատերազմը չի ավարտվի:
Մենք աջակցում ենք Սիրիայի տարածքային ամբողջականությանը: Սակայն նրա տարածքում գործում են բազմաթիվ զինված խմբեր, որոնցից մեկն էլ կապված է PKK ահաբեկչական կազմակերպության հետ: Դա կարող է խնդիր լինել Սիրիայի ապագայի համար: Սխալ է սիրիական քաղաքականությունը կառուցել՝ հենվելով PYD-ի վրա: Ընդգծում եմ՝ մեր դիրքորոշումը քրդերի դեմ չէ: Սիրիայում բնակվող քրդերին ինքնության վկայական տալու համար Ասադի հետ հանդիպած անձի անունը Էրդողան է»:
