Երկնքում՝ մի քանի հարյուր մետր բարձրության վրա, միմյանց են բախվել պարապլանն ու դելտապլանը: Տեղի ունեցածը նկարահանել է պարապլանով թռչող ևս մեկ օդաչու: Դեպքը տեղի է ուենցել Ավստրալիայի Քվինսլենդ նահանգի Գոլդ Քոսթ զբոսավայրում:
Համացանցում հայտնված տեսանյութում երևում է, թե ինչպես է պարապլանը ղեկավարող կինը կատարում սխալ մանևր, ու նրա թռչող սարքը հայտնվում է ուղիղ դելտապլանի ճանապարհին, որը ղեկավարվում էր տղամարդու կողմից: Երկու սարքերը միմյանց բախվելով՝ սկսում են արագորեն ներքև սահել: Այս մասին գրում է The Daily Mail-ը:
Ավստրալական ԶԼՄ-ների հաղորդմամբ՝ օդաչուները փրկվել են շնորհիվ դելտապլանը ղեկավարողի արագ ռեակցիայի՝ տղամարդը հասցնում է բացել վթարային օդապարիկը:
