Ռեկետի դեմ իտալական ֆեդերացիան Federazione Antiracket Italiana, FAI) երկրի հարավում գտնվող հաստատությունների ուղեցույց է կազմել, որոնք զերծ են մաֆիայի ազդեցությունից, հաղորդում է The Times-ը: «Վճարիր նրանց, ովքեր չեն վճարում» անունը կրող ուղեցույցում թվարկված են ավելի քան հազար հյուրանոցներ, ռեստորաններ, բարեր, խանութներ, որոնք հրաժարվել են վճարել ռեկետ անողներին: Ուղեցույցում խոսքն այնպիսի շրջանների մասին է, ինչպիսիք են՝ Սիցիլիան, Կամպանիան, Կալաբրիան և Ապուլիան:
FAI-ի նախագահ Տանո Գրասոն ուղեցույցի նախաբանում գրել է, որ Իտալիայում ապրանքների և ծառայությունների դիմաց վճարելիս պետք է միշտ հիշել, որ պարբերաբար փոխհատուցում վճարող խանութում ցանկացած գնում աջակցություն է հանցավոր կազմակերպությանը:
Ինչպես նշում է պարբերականը, որոշ ժամանակ առաջ ռեկետը համընդհանուր երևույթ էր Իտալիայի հարավում: Ռեկետ անողներին սկսեցին անվանել «pizzo», որը սիցիլական բարբառից թարգմանաբար նշանակում է «կտուց»: Բանն այն է, որ առողջ բիզնեսին խոչընդոտող մաֆիային համեմատում էին թռչունի հետ, որը նեկտար է հավաքում ծաղկող բույսերից:
2004թ. Իտալիայում ձևավորվում է Addio Pizzo շարժումը («Հաջողություն, պիցցո»), որոնք հանդես էին գալիս մաֆիայի ռեկետի դեմ: Շարժման հիմնադիրներն էին մի քանի ընկերներ, որոնք որոշում են փաբ բացել Պալերմոյում: Ռեկետի դեմ պայքարի քարոզարշավի շրջանակներում նրանք քաղաքի կենտրոնում տեղադրում են «Պիցցո վճարել նշանակում է չհարգել ինքդ քեզ» գրությամբ պաստառներ: Արդյունքում նրանց օրինակին հետևում են շատերը:
