«Արի տուն» ծրագրի արդեն 7-րդ մեկնարկն է։ Սփյուռքում ապրող 1100 երիտասարդի հուլիսի 13-ից մինչև օգոստոսի 27-ը հնարավորություն կտրվի 14 օրում ծանոթանալու հայրենիքի տեսարժան վայրերին, պատմամշակութային ժառանգությանը։
Ծրագիրը սփյուռքահայ երիտասարդին կտա հայրենիքի մասին գիտելիք: Ի պատասխան, սփյուռքահայ երիտասարդն օտար հողում ապրող հայ համայնքի շրջանում Հայաստանը կքարոզի։
«Արի տուն» ծրագրի մասնակիցները Հայաստանում հյուրի կարգավիճակով են. Սփյուռքից Հայաստան մշտական բնակության եկած Սարգիս Հացպանյանը նկատում է՝ նախարարությունը ծրագրի մասնակիցներին, այսպես ասած, «տանը պահելու» ուղղությամբ քայլեր չի ձեռնարկում։
Դրսում ծրագրի մասնակիցներն ընտրվում են հայաստանյան ծանոթ-բարեկամի սկզբունքով։ Հացպանյանը իր հետ պատահած միջադեպի օրինակով է խոսում։
Սփյուռքի դարդուցավին քաջատեղյակ հրապարակախոսը Սփյուռքի նախարարությանը 3 մեղադրանք ունի:
Խնդրի լուծման բանաձևը Հացպանյանը կյանքի մութ տարիների ընթացքում ձեռք բերած փորձից է առաջարկում։
Մինչդեռ Սփյուռքի նախարարությունից գնալու կամ նախարարությունը լուծարելու մասին խոսքը նախարար Հրանուշ Հակոբյանն ավելորդ է համարում։
Կառավարման համակարգի բեռնաթափմանը սփյուռքի նախարարը երկու ձեռքով է կողմ, բայց ոչ Սփյուռքի նախարարությունից։ Ասում է՝ նախարարության 95 աշխատակիցներն իրենց գործը հազիվ ծայրը ծայրին են հասցնում։
Մինչև քաղաքական ղեկավարության որոշումը, Հրանուշ Հակոբյանը հուսով է, որ «Արի տուն» ծրագիրն այս տարի էլ բարեհաջող ավարտին կհասցնեն։
Ծրագրով 42 պատանի՝ Ռուսաստանից, Բելառուսից, Թուրքմենստանից, ԱՄՆ-ից և Սիրիայից, արդեն Երևանում են։ Նրանցից Հայաստանում ապրելու ցանկություն հայտնեց միայն Սիրիայից ժամանած այս տղան։
