«Շատ հաճախ ասվում է՝ այն ժամանակ հարկերը քիչ էին։ 1996 թվականին մենք ունեցել ենք ծախսերով 400 միլիոն դոլար հարկ, հիմա ունենք 2,5 մլն։ Բայց 1993-96 թթ հարկերը, ծախսերը 8 մլն-ից հասել են 400 միլիոնի։ Գնաճն 96-ից մինչև հիմա աճել է 4 անգամ։ Ստացվում է՝ 1996-ի կառավարությունը կարող էր գնել այնքան ծառայություն, որը կազմում է այսօրվա կառավարության գնաճի 70 տոկոսը»,- ԱԺ-ում այս մասին Հարկային օրենսգրքի քննարկման ժամանակ ասաց ՀԱԿ պատգամավոր Հրանտ Բագրատյանը։
Նա ներկայացրեց Հարկային օրենսգրիքի վերաբերյալ 6 կետից բաղկացած իր դիտարկումները: ՀԱԿ խմբակցության պատգամավորն ընդգծեց, որ պետք է հստակ հասկանալ՝ տնտեսությունն առաջիկա 10 կամ 15 տարում ինչ փոփոխություններ կկրի։ Նրա կարծիքով՝ այս ամենը չիմանալով չի կարելի նոր օրենսգիրք ստեղծել, պետք չէ «դույլի մեջ փոթորիկ առաջացնել»:
«Ըստ այդմ, դուք պետք է որոշեք հարկերը՝ եկամուտների մասով, ավելի շատ արտադրությա՞ն վրա պիտի դնենք, թե՞ սպառման։ Եթե ուզում ենք դնել արտադրության վրա, պետք է հստակ իմանանք՝ ինչ կառուցվածք ենք ուզում։ Խնդիրն այս մասով ծիծակից այն կողմ չգնաց. ծիծակից ու թթու դրած վարունգից։ Մենք չգիտենք որևէ փաստաթուղթ, որը մեզ ասում է 2025-ին կամ 2030-ին կառավարության նպատակադրումների մասին»,- նշեց Հրանտ Բագրատյանը։
Մանրամասները՝ տեսանյութում:
