Միլանում հրատարակվող II Giornale թերթը որպես անվճար ներդիր 150 հազար օրինակով հրատարակել է Ադոլֆ Հիտլերի «Մայն Քամփֆ» («Իմ պայքարը») գրքի ութ հատորներից առաջինը: Այդ գրքի հետ միասին լրատվամիջոցը առաջարկում է նաև ամերիկացի հրապարակախոս Ուիլյամ Շիրերի «Երրորդ Ռեյխի վերելքն ու անկումը» հետազոտության թարգմանությունը՝ գրում է tass.ru-ն:
Հրապարակումը սուր քաղաքական արձագանք է առաջացրել Ապենիններում: Մասնավորապես, Հռոմում Իսրայելի դեսպանատունը «զարմանք» է արտահայտել գրքի հրատարակման կապակցությամբ, իսկ հրեական համայնքը այդ քայլը գնահատել է որպես «անպարկեշտ արարք»: Իտալացի որոշ քաղաքական գործիչներ ևս իրենց դժգոհությունն են արտահայտել փաստի առնչությամբ. երկրի վարչապետ Մատեո Ռենցին իր Twitter-ում «գարշելի» է որակել այդ քայլը:
Թերթի գլխավոր խմբագիր Ալեսանդրո Սալուստին հայտարարել է, որ պետք չէ վախենալ աղբյուրին դիմել և 20-րդ դարի ողբերգությունը դիտարկել ընդհանուր պատմական ծիրում: «Հասկանալու համար, թե ինչպես կարող էր ծնվել բացարձակ չարիքը, պետք է դիմել աղբյուրին»,- պարզաբանել է նա:
