Ֆրանսիայի նախագահ Ֆրանսուա Օլանդը ֆրանսիական արհմիութենական ղեկավարներին նախազգուշացրել է գործադուլների փորձեր չանել խափանելու ֆուտբոլի Եվրոպայի առաջնությունը, որը մեկնարկում է հունիսի 10-ին և կտևի 1 ամիս: Այս մասին հայտնում է BBC-ի ռուսական ծառայությունը:
«Ես դիմում եմ յուրաքանչյուրի պատասխանատվության զգացումին, քանի որ եթե պետությունը պարտավոր է կատարել իր պարտքը և դա կանի, նա կձեռնարկի բոլոր անհրաժեշտ միջոցառումները»,- հայտարարել է Օլանդը:
«Ես ուշադիր կհետևեմ վաղը տեղի ունեցողին, ու եթե պետք լինի որոշումներ ընդունել, դրանք կընդունվեն»,- հավելել է Ֆրանսիայի նախագահը:
Հակակառավարական ցույցերը ցնցում են Ֆրանսիան արդեն երեք ամիս։ Դժգոհության անկում դեռևս չի նկատվում, դեռ ավելին՝ թեժանում է զիջման գնալու իշխանությունների ցանկության բացակայության ֆոնին։
Աշխատանքային օրենսդրության բարեփոխման կառավարության առաջարկը նախատեսում է աշխատողներին աշխատանքից ազատելու ընթացակարգի պարզեցում, իսկ գործատուին աշխատաժամանակը երկարացնելու հնարավորություն է տալիս։
