Ամերիկացի բռնցքամարտիկ Մուհամեդ Ալիի նկարները աճուրդի կդրվեն, որը կկայանա հունիսի 15-ին, նյույորքյան RoGallery-ում՝ հայտնում է Smithsonianmag-ը։
RoGallery-ն առաջարկում է 1979 թվականին Ալիի կողմից արված նկարների շարք։ Այն տպագրվել է պաստառների տեսքով՝ սահմանափակ քանակով։
«Ռասիստական աշխարհը, որում ապրել է Ալին, սևամորթ մարդուց պահանջել է դաժանություն և ուժ։ Նկարչությունը Ալիին տվել է դաժան կամ աղմկոտ չլինելու հնարավորություն։ Այստեղ նա կարող էր լինել մեղմ, ուրախ, երեխայական, նուրբ»,- ասել է արվեստագետ Սթիվեն Թրեշերը։
Մուհամեդ Ալին շատ է նկարել՝ չնայած նրա կյանքի այդ կողմը հայտնի է ոչ այնքան լայն, որքան հաջողությունները սպորտում կամ հասարակական գործունեությունը։ Դպրոցում Ալիի սիրելի առարկաներն էին ֆիզկուլտուրան և նկարչությունը։
Ալին մահացել է հունիսի 3-ին, 74 տարեկանում:
