Alphabet հոլդինգի ղեկավար (Google-ը մտնում է հոլդինգի կազմի մեջ) Էրիկ Շմիդտը բաժնետերերի ամենամյա ժողովում հայտարարել է, որ միկրոսխեմաների բարելավումն ու ազդանշանի ավելի հստակ դիրքավորումը անլար համացանցային միացման տեխնոլոգիան դարձնում են ավելի էժան, քան մալուխի անցկացման համար օգտատերերի այգիները փորելը։
Շմիդտի խոսքով՝ ընկերության ղեկավարությունում կարծում են, որ տեխնոլոգիան թույլ կտա հասնել 1 Գբիտ/վ արագության։
Սպասվում է, որ գերարագ անլար համացանցի ցուցադրական մոդելը ընկերությունը կկարողանա լայն հասարակությանը ներկայացնել 2017 թվականին։
Շմիդտը նաև նշել է որոշ տեխնոլոգիաներ, որոնք Alphabet-ը համարում է հեռանկարային՝ բուսական հիմքով միսը, շինությունների եռաչափ տպագրությունը, վիրտուալ իրականությունն ու արհեստական ինտելեկտը: