Habertürk-ի փոխանցմամբ՝ Թուրքիայի վարչապետ Բինալի Յըլդըրըմը հայտարարություն է տարածել այսօր առավոտյան Մարդին նահանգի Միդյաթ քաղաքում իրականացված ահաբեկչության կապակցությամբ:
Յըլդըրըմը հայտնել է, որ դրա հետևանքով զոհվել է 3 մարդ, որոնցից 1-ը ոստիկան են, իսկ 2-ը՝ քաղաքացիական անձինք: Բացի դրանից՝ վիրավորվել է մոտ 30 մարդ: Յըլդըրըմը հարձակման պատասխանատվությունը դրել է երկրում ահաբեկչական հռչակված ու արգելված «Քրդստանի աշխատավորական» կուսակցության (PKK) վրա:
«Մարդասպանը PKK կազմակերպությունն է: Սա մեզ չի ապշեցնում: Շրջանակը գնալով նեղանում է»,- ասել է նա:
Հաղորդվում է, որ Յըլդըրըմն այս հայտարարությունն արել է երեկ Ստամբուլում իրականացված ահաբեկչական հարձակման հետևանքով վիրավորներին հիվանդանոցում տեսակցելիս:
