ԱԺ-ում այսօր «Ազգային անվտանգության մարմիններում ծառայության մասին» օրենքում լրացում կատարելու մասին նախագծի քննարկմանը ԱԱԾ պետի տեղակալ Արզուման Հարությունյանը տեղեկացրեց, որ բոլոր ծառայողները պետք է անցնեն պարտադիր զինվորական ծառայություն: Բացի դրանից, ծառայողների շարքերը պետք է համալրվեն նեղ մասնագիտական կրթություն պահանջող, գիտական աստիճան ունեցող և պարտադիր զինվորական ծառայությունից ազատված, պահեստազորում գրանցված անձանցով: Նա նաև տեղեկացրեց, որ բարձրացվում է սպայական բարձրագույն կազմի ծառայողների համար թոշակի անցնելու սահմանված շեմը՝ 65 տարեկան:
ԲՀԿ խմբակցության ղեկավար Նաիրա Զոհրաբյանը, հարց ուղղեց՝ նշելով, որ նախագծի ենթատեքստը հասկանալի է. «Մենք ոչ միայն այս, այլև բազմաթիվ կարևորագույն ոլորտներում ունենք լրջագույն մասնագետների կարիք, բայց ինչո՞ւ դա պիտի արվի բանակ չգնացածների հաշվին: Մոնիթորինգ արե՞լ եք՝ բանակ ծառայողների մեջ չկա՞ն անհրաժեշտ որակավորում ունեցող մասնագետներ: Մենք բոլորս գիտենք, թե ովքեր են, որ չեն ծառայում բանակում, դրանք պատգամավորների նախարարների, օլիգարխների, տարբեր բարձրաստիճան պաշտոնյաների զավակներն են, որոնք ասպիրանտուրայի քողի տակ զբաղված են դեզերտիրությամբ:
Մանրամասները՝ տեսանյութում: