«168 ժամ»-ը գրում է. «Մինչ իշխանությունները փորձում են Հայաստանում մոռացության մատնել հայտնի «օֆշորային սկանդալը». Հայաստանի սահմաննեիից դուրս տեղի են ունենում գործընթացներ, որոնք կարող են հերթական սկանդալի առիթ դառնալ: Ու կրկին դրանում կարող է շրջանառվել վարչապետ Տիգրան Սարգսյանի անունը: Խոսքը վերաբերում է «Նաիրիտ» գործարանի հետ կապված բավական խճճված պատմությանը:
Երկու օր առաջ Մոսկվայի Արբիտրաժային դատարանում կայացել է «Միջպետական բանկն՝ ընդդեմ «Rhinoville Property Limited» ընկերության» դատական հերթական նիստը, որը պատասխանող կողմի չներկայանալու պատճառով կրկին հետաձգվել է մինչև հոկտեմբեր: Հիշեցնենք, որ հենց այս ընկերությանն էր ժամանակին հանձնվել «Նաիրիտի» կառավարումը, և հենց այս ընկերությունն էր, որին ՀՀ կառավարության երաշխիքով Միջպետական բանկը շուրջ 170 միլիոն դոլարի վարկ էր հատկացրել:
Ի դեպ, կրկին օֆշորային գոտում գրանցված «Rhinoville Property Limitecb-ը փաստացի հրաժարվում է մարել այդ վարկը, և բացառված չէ, որ ՀՀ կառավարությունը ստիպված լինի սեփական միջոցներով մարել այն, քանի որ հանդիսացել է վարկառու ընկերության երաշխավոր: Նաև այս վարկի մարմամբ է պայմանավորված՝ արդյո՞ք ռուսական «Ռոսնեֆտ» ընկերությունը կգնի «Նաիրիտը», թե՝ ոչ:
Մեր տեղեկություններով, «Ռոսնեֆտը» «Նաիրիտը» պատրաստ է գնել 100 մլն դոլարով և պայմանով, որ նրա պարտքերը գնման պահին մարված լինեն: Իսկ այդ պարտքերը, ըստ հավաստի տեղեկությունների, կազմում Են 350-400 մլն դոլար: Իհարկե, էներգետիկայի նախարար Արմեն Մովսիսյանը մեր թղթակցի հետ զրույցում ասել Է, որ «Նաիրիտի» բոլոր պարտքերը, այդ թվում՝ Միջպետական բանկին, կազմում են 100 մլն դոլար, սակայն հասկանալի պատճառներով՝ վերջինիս խոսքերն այլևս, մեղմ ասած, արժանահավատ դժվար Է համարել: Խոսքն, իհարկե, այն մասին չէ, որ Արմեն Մովսիսյանը կարող է չարամտորեն խեղաթյուրել իրականությունը, պարզապես, ինչպես ցույց տվեցին վերջին իրադարձությունները, նա չափազանց կարևոր տեղեկությունները մոռանալու սովորություն ունի»:
Շարունակությունը կարդացեք «168 ժամ»-ի այսօրվա համարում
