Ուկրաինացի աղջիկները գումար վաստակելու նոր միջոց են գտել: Հանգստյան օրերին նրանք արտասահման են մեկնում, որտեղ սեռական բնույթի ծառայություններ են մատուցում: Այս մասին գրում է Korrespondent ամսագիրը:
Նոր բիզնեսը ստացել է Indenpendent sex-escort անվանումը: Նշվում է, որ գրասենյակների աշխատակցուհիներին, ուսանողուհիներին կամ մոդելներին հաճախ կարելի է հանդիպել խոշոր մեգապոլիսներում, ինչպես նաև Եվրոպայի, Մերձավոր Արևելքի և Ամերիկայի նավահանգիստներում:
«18-25 տարեկան աղջիկները հանգստյան օրերին մարմնավաճառությամբ գումար են վաստակում մի քանի պատճառներով: Հիմնականում, սակայն, նրանց գումար չի բավականացնում կա՛մ ուսման վարձը վճարելու, կա՛մ թանկարժեք բրենդային իրեր գնելու համար»,- պարբերականը մեջբերում է Konviktus Ukraina կազմակերպության տնօրեն Յուլյա Ցարևսկայայի խոսքերը:
Իրավապահ մարմինները դեռևս չեն կարող ասել՝ քանի աղջիկներ են նման բիզնեսով զբաղվում, սակայն, ըստ բիզնեսի ներկայացուցիչների խոսքերի, դրանով զբաղվում են ավելի քան 100 աղջիկներ:
