Լանգոնի անվան բժշկական կենտրոնի հետազոտողները պարզել են, որ շոու-բիզնեսի աստղերի կողմից գովազդվող սննդամթերքների և ըմպելիքների ճնշող մեծամասնությունը պարունակում են քիչ սննդարար նյութեր, շատ շաքար և ընդհանուր առմամբ բացասաբար են ազդում երեխաների առողջության վրա: Ուսումնասիրությունը հրապարակվել է Pediatrics ամսագրում:
Գազավորված ըմպելիքը և այլ քաղցր ըմպելիքները, արագ սնունդը և քաղցրեղենները առավել տարածված սննդամթերքներից են, որ գովազդում են երաժշտական հայտնի գործիչները: Միաժամանակ, նշում են գիտնականները, արտիստներից ոչ մեկը չի մասնակցել մրգերի, բանջարեղենի կամ ամբողջական հատիկեղենի գովազդի: Միայն պիստակն է արժանացել աստղերի ուշադրությանը:
Հետազոտության արդյունքում գիտնականները պարզել են, որ 65 փոփ-աստղեր կապված են 57 տարբեր սննդամթերքների և ըմպելիքների հետ:
26 սննդամթերքից 21-ը՝ 81%-ը, ճանաչվել է «սննդապես աղքատ»: Գովազդված 69 ըմպելիքներից 49-ը ունեցել է շաքարի բարձր պարունակություն:
