Քաղաքականությունը, որը ԱՄՆ-ը վարել է Լիբիայի նկատմամբ, եղել է «աղետալի», կիրակի օրը հայտարարել է Հանրապետական կուսակցությունից նախագահի թեկնածու, միլիարդատեր Դոնալդ Թրամփը: Այդ մասին հայտնում է RIA Novosti-ն:
«Լիբիան դարձել է աղետ այն առումով, թե ինչ որոշումներ են կայացվել»,- ասել է Թրամփը CBS հեռուստաալիքին տված հարցազրույցում` քար նետելով նախընտրական քարոզարշավում իր մրցակից, դեմոկրատական կուսակցությունից ԱՄՆ նախագահի թեկնածու Հիլարի Քլինթոնի «պարտեզ», որը Լիբիայի դեպքերի ժամանակ եղել է ԱՄՆ պետքարտուղար:
Նրա խոսքով` դա հագեցրել է ներկայիս իրավիճակին, երբ «ԴԱԻՇ-ը վերահսկում է լիբիական նավթը` լավագույններից մեկը աշխարհում»: «Եվ մենք չենք արգելում դա, մենք ոչինչ չենք անում, իսկ զինյալները եկամուտ են ստանում »,- ասել է Թրամփը:
Նա ընդգծել է, որ ԱՄՆ-ը «գործել է Լիբիայում այնքան վատ, որքան հնարավոր էր»: «Մենք ավելի վատ ոչինչ չէինք կարող անել»,- նշել է Թրամփը:
Միլիարդատերը նշել է, որ երբեք Լիբիայի առաջնորդ Մուամար Քադաֆիի կողմնակից չի եղել և կողմ չի եղել Լիբիայում մեծամասշտաբ գործողությունների: «Երբեք միջամտելու կողմնակից չեմ եղել: Ես կողմ եմ եղել վիրահատական միջամտության այն բանի, որպեսզի հեռացվեն Քադաֆին և նրա կողմնակիցները»,- ավելացրել է նա:
