Դերասանուհի Էմբեր Հերդի փաստաբանները հայց են ներկայացրել կատակերգու դերասան Դագ Սթենհոուփի դեմ: Պատճառն այն է, որ վերջինս հոդված է գրել, որում Հերդին մեղադրել է ամուսնու՝ Ջոնի Դեպի հանդեպ շանտաժի և շահարկումների մեջ՝ հայտնում է Reuters-ը:
Նշվում է, որ կատակերգուի և նրա հետ կապված ևս 20 մարդու դեմ հայցը ներկայացվել է Արիզոնայի դատարաններից մեկում: Հայցի համաձայն՝ Հերդը երդվյալ ատենակալների դատական նիստ է պահանջում, իսկ ստացված ողջ գումարը որպես օգնություն պատրաստ է ուղարկել Արիզոնայի այն կանանց, ովքեր տուժել են ընտանեկան բռնությունից:
Նշվում է, որ Սթենհոուփը, ով Դեպի ընկերն է, մայիսի 29-ին տեղական լրատվամիջոցներից մեկում հոդված է հրապարակել այն մասին, որ Հերդը հեռանալով՝ Դեպին «սպառնացել է հրապարակայնորեն նրա մասին ստեր ասել, եթե նա չհամաձայնի իր պայմաններին»:
