The Silicon Valley History (SVHA) ասոցիացիան հրապարակել է Սթիվ Ջոբսի՝ նախկինում անհայտ 20 րոպեանոց հարցազրույցը, որում նա քննարկում է իրենից հետո պատմության մեջ թողնելիք իր հետքը: Հարցազրույցի առանձնահատկությունն այն է, որ դա արվել է 1994 թվականին, երբ Ջոբսն աշխատել է NeXT ընկերությունում, որի բիզնեսն առանձնապես չի հաջողվել, իսկ Apple-ը Windows 95-ի թողարկման ֆոնին բավականին թույլ էր:
Զրույցում Ջոբսի տրամադրությունը բացահայտ անկումային է: Նա վստահություն է հայտնել առ այն, որ իր ժառանգությունը10-15 տարի հետո (այսինքն՝ 2005-ին) «լիովին կմոռացվի»: Այդ ժամանակ iPod-ի կամ iPhone-ի թողարկման մասին չի խոսվել, քանի որ Ջոբսն ամբողջովին տարված է եղել համակարգիչներով: Այս մասին հայտնում է NEWSru.com-ը:
Նա ասում է, որ Apple 2 համակարգիչն արդեն մոռացվել է, Apple 1-ը մոռացվել է շատ տարիներ առաջ, Macintosh համակարգիչները կմոռացվեն առաջիկա մի քանի տարիներին:
Նշենք, որ նման հայտարարությունը Ջոբսն արել է երկրորդ անգամ՝ Apple վերադառնալուց տարիներ առաջ:
Հիշեցնենք, որ վերջերս Apple 1 համակարգչի հազվագյուտ մոդելը վաճառվել է մոտ կես միլիոն դոլարով:
