Sputnik լրատվական գործակալության փոխանցմամբ՝ Հարավային Կովկասի վերաբերյալ Ժնևյան քննարկումների հերթական փուլը ծրագրված է հունիսի 14-15-ին: Այդ մասին նշված է ՌԴ ԱԳՆ-ի այսօրվա հայտարարությունում, որը տարածվել է ժնևյան քննարկումների համանախագահների հետ Ռուսաստանի փոխարտգործնախարար Գրիգորի Կարասինի հանդիպման արդյունքներով:
Կարասինն այսօր հանդիպել է Հարավային Կովկասում ԵՄ-ի հատուկ ներկայացուցիչ Հերբերտ Զալբիերի, ԵԱՀԿ գործող նախագահի հատուկ ներկայացուցիչ Գյունթեր Բեհլեի ու ՄԱԿ-ի ներկայացուցիչ Անտի Տուրունենի հետ:
Հանդիպման ժամանակ կողմերը քննարկել են Աբխազիայի ու Ցխինվալի շրջանների հետ Վրաստանի վաչական սահմաններին տիրող իրավիճակը, ինչպես նաև Ժնևյան քննարկումների հերթական փուլի նախապատրաստությունը:
Կողմերի ուշադրության կենտրոնում են եղել սահմանային միջադեպերին արձագանքելու ու դրանք կանխելու հարցերը, ինչը կարևոր է հատկապես մայիսի 19-ին վրաց-աբխազական սահմանին Վրաստանի քաղաքացու սպանության դեպքից հետո, որի կապակցությամբ Աբխազիայի զինդատախազությունը քրեական գործ է հարուցել:
