Սիրիայի նախագահ Բաշար Ասադը կորցրել է երկրում քաղաքական անցումային շրջանին մասնակցելու բարոյական իրավունքը: Նման հայտարարությամբ այսօր հանդես է եկել Մեծ Բրիտանիայի վարչապետ Դևիդ Քեմերոնը:
«Նման ծանր պատերազմի պատճառ դառնալուց, ինչպես նաև սեփական ժողովրդի դեմ քիմիական զենք կիրառելուց հետո ոչ ոք իրավունք չունի մնալ կառավարության կազմում: Սիրիայում խաղաղությունն անհնար է, քանի Ասադը չի հեռացել»,- ընդգծել է Քեմերոնը:
Վարչապետը նաև հայտարարել է, որ հնարավոր չի համարում Սիրիայի գործող նախագահի մասնակցությունը այդ երկրի խաղաղ կարգավորման հարցով համաժողովին (Ժնև-2): «Դա, սակայն, չպետք է խանգարի Սիրիայում քաղաքական անցմանը: Ներկայումս հակամարտության կարգավորմամբ հետաքրքրված բոլոր երկրները հանգել են այն եզրակացության, որ համաժողովին պետք է մասնակցեն ֆործող վարչակարգի և ընդդիմության լիիրավ անդամները, ովքեր լիազորված են ձևավորել անցումային քաղաքականություն»,- ասել է Քեմերոնը:
