Արքայազն Ուիլյամը, ինչպես հայտնի է, շատ է սիրում ֆուտբոլ խաղալ: Նա իր կնոջ՝ դքսուհի Քեթրինի յոգայով տարվածությանը միշտ որոշակի հեգնանքով է վերաբերվել: Սակայն վերջերս կնոջ ազդեցությամբ նա փոխել է կարծիքը այդ հարցում և որոշել է հետևել նրա օրինակին՝ հայտնում է 7days.ru-ն:
Քեյթը յոգայով սկսել է զբաղվել դեռ այն ժամանակ, երբ սպասում էր իր առաջնեկին: Այդ ժամանակ նա անհատական մարզչի հետ զբաղվել է «հղիների համար յոգայով»: Արքայազն Ջորջի ծննդից հետո էլ Քեյթը չի թողել իր պարապմունքները, որոնց շնորհիվ է գուցե պահպանում հրաշալի կազմվածքը: Վերջերս Քեյթը հասել է նրան, որ իր ամուսինը միանա իր պրակտիկային:
Իր առաջին՝ դեռևս շատ համեստ հաջողությունները արքայազն Ուիլյամը ցուցադրել է Ասքոթում պոլոյի խաղի սկսվելուց առաջ: Ուիլյամը և նրա եղբայր Հարին «բաժանորդագրվել են»՝ մասնակցելու մի շարք բարեգործական խաղերի 13 տարբեր կազմակերպությունների համար միջոցներ հավաքելու նպատակով:
Մարզական հագուստ հագնելուց և ձի նստելուց առաջ Ուիլյամը որոշել է տաքանալ հենց դաշտում: Երևում է՝ յոգայի նախավարժանքը Ուիլյամին օգնել է նաև խաղի ժամանակ: Խաղը բավական լարված է եղել, Հարին, որը, ի տարբերություն ավագ եղբոր, խաղից առաջ նախավարժանք չի արել, վնասել է մեջքը: Նույնիսկ անհրաժեշտ է եղել նրա համար բժիշկ կանչել դաշտ, որն օգնել է ազատվել ձգված մկանի ցավից: Իսկ Ուիլյամը խաղի վերջում էլ բավական առույգ տեսք է ունեցել:
