Փարիզ-Բորդո երկաթուղու մոտ 7000 ուղևոր համակարգչային խափանման պատճառով ստիպված է եղել լույս շաբաթ գիշերն անցկացնել գնացքների վագոններում կամ կայարաններում: Այս մասին հայտնում է BFM TV հեռուստաալիքը:
«Սլաքային սարքավորման ազդանշանը շարքից դուրս է եկել, և գնացքները չեն կարողացել անցնել այդ տարածքով: Այդ անսարքությունը ֆենոմեն է երկրի երկաթուղիների համար»,- ասել է երկաթուղային վարչության աշխատակից Ֆիլիպ Մոլին:
Որպես հետևանք՝ 3 արագընթաց գնացքի ուղերթ չեղարկվել է, ևս 13 գնացք ստիպված է եղել կայարաններում կամ ճանապարհներին սպասել երթևեկության վերսկսվելուն:
Շաբաթ առավոտյան երթևեկությունը վերականգնվել է, երկաթուղային օպերատորներն ուղևորներին առաջարկել են վերսկսել իրենց ուղևորությունները կամ ստանալ տոմսի արժեքի փոխհատուցում:
