Boeing-787 Dreamliner-ը երեքշաբթի Սիեթլում վթարային վայրէջք է կատարել՝ շարժիչի վառելիքային զտիչի աշխատանքում առաջացած թերությունների պատճառով: Այս մասին հայտնում է ITAR-TASS-ը:
United Airlines-ի ինքնաթիռը թռիչք էր իրականացնում Դենվերից (Կոլորադո) Տոկիո: Ինչպես հայտարարել են ավիափոխադրողի ներկայացուցիչները՝ օդանավը բարեհաջող վայրէջք է կատարել, և ընկերությունը զբաղված է ուղևորներին մեկ այլ օդանավ տեղափոխելու աշխատանքներով:
Ուղևորներից մեկի խոսքով՝ ինքնաթիռը գտնվել է Խաղաղ օվկիանոսի վրա, երբ որոշում է ընդունվել օդանավը ԱՄՆ վերադարձնելու մասին:
Վթարային վայրէջքը կատարվել է Դենվերի և Տոկիոյի միջև ուղիղ օդային հաղորդակցության բացումից մեկ շաբաթ անց: Անցած 7 օրերին տեխնիկական խնդիրների պատճառով չվերթների ժամկետը երկու անգամ հետաձգվել է:
