Ամերիկյան Chrysler ավտոկոնցեռնը համաձայնել է 2.7 մլն արտաճանապարհային մեքենա հետ կանչել: Նման պահանջ էր ներկայացրել ԱՄՆ կառավարությունը: Պատճառը հայտնաբերված կառուցվածքային թերություններն են՝ հայտնում է BBC-ն:
Հետկանչը տարածվում է մեքենաների երկու մոդելների՝ 1993-2004թթ. արտադրության Jeep Grand Cherokee-ի և 2002-2007թթ. արտադրության Jeep Liberty-ի վրա:
Ավելի վաղ ԱՄՆ կառավարական վերահսկիչ մարմինը նշել էր, որ այդ մեքենաների բենզաբաքերն ավտոճանապարհային ընդհարումների հետևանքով հեշտ են բոցավառվում, ինչի պատճառով բազմիցս մարդիկ են զոհվել:
Կոնցեռնի ներկայացուցիչները հայտարարում են, որ իրենց մեքենաներում ոչ մի թերություն չկա, սակայն պատրաստ են հավելյալ միջոցառումներ ձեռնարկել՝ բարձրացնելու մեքենաների հուսալիությունը:
