Հյուսիսային Կորեան դիմել է Չինաստանին՝ իրեն միջուկային տերություն ճանաչելու խնդրանքով: Այս մասին հաղորդում է հարավկորեական «Ռենհափ» գործակալությունը:
Խնդրանքը նախորդ ամիս փոխանցել է փոխմարշալ Չհվե Ռեն Հեն՝ Չինաստանի ղեկավար Սի Ցզինպինի հետ հանդիպման ժամանակ:
Չինաստանը, սակայն, բացասաբար է վերաբերում հյուսիկորեական միջուկային ծրագրին:
Հիշեցնենք, որ ապրիլին հայտնի էր դարձել, որ ԿԺԴՀ-ն մտադիր է վերականգնել երկրում բոլոր միջուկային օբյեկտների շահագործումը: ԿԺԴՀ ղեկավար Կիմ Չեն Ինը հայտարարել է, որ միջուկային զենքը Հյուսիսային Կորեայի ինքնիշխանությունն ապահովելու միակ միջոցն է:
