Ճապոնիայի հյուսիսում՝ Աբաշիրի քաղաքում, հաճախորդներին հնարավորություն է ընձեռվում համտեսել բանտային սնունդ՝ չհայտնվելով ազատազրկման մեջ, գրում է The Tokyo Times-ը:
Prison cafeteria-ն մասնագիտացած է բանտային ուտեստներ պատրաստելու մեջ, որոնց բաղադրատոմսերն իրականում գոյություն ունեն ու դրանցով են Աբաշիրի բանտում պատիժ կրող ճապոնացի բանտարկյալների համար ընթրիք պատրաստում:
Ընդ որում՝ սնուդը մատուցում են այնպես, ինչպես ցանկացած այլ սրճարանում:
«Բանտային» սրճարանը առաջարկում է ընթրիքի երկու տարբերակ՝ 7 ու 8 դոլարով համապատասխանաբար: Երկուսն էլ պարունակում են ավանդական մսով ապուր:
Տեղի ԶԼՄ-ների հաղորդմամբ՝ նման կերակրացանկը հավանություն է ստացել շատ հաճախորդների կողմից:
