ԱՊՀ մասնակից պետությունների ինֆորմխորհրդի 12-րդ նիստը Հայաստանում կազմակերպելու նպատակով նվիրաբերություն տրամադրելու համար ՀՀ կառավարությունը վաղվա նիստում քննարկելու է Հայաստանի Հանրապետության մշակույթի նախարարությանը 2010 թվականի չորրորդ եռամսյակում 5.4 մլն դրամ տրամադրելու մասին որոշման նախագիծը: Գումարը կհատկացվի ՀՀ 2010 թվականի պետական բյուջեով նախատեսված՝ կառավարության պահուստային ֆոնդի հաշվին: Նախագծի հիմնավորման մեջ նշված է հետևյալը: «Ի կատարումն Անկախ պետությունների համագործակցության անկախ պետությունների կողմից 1995 թ. նոյեմբերի 3-ին ստորագրված ԱՊՀ պետական լրատվական գործակալությունների ղեկավարների խորհրդի ստեղծման մասին համաձայնագրի՝ 1996 թ. ստեղծվել է ԱՊՀ ինֆորմխորհուրդը, որի անդրանիկ նիստը տեղի է ունեցել 1996 թ. հոկտեմբերի 3-ին: ԱՊՀ ինֆորմխորհրդի հերթական՝ 11-րդ նիստը տեղի է ունեցել ս/թ մարտի 1-2-ը Բաքվում: Նկատի ունենալով այն հանգամանքը, որ խորհրդի նիստերը (նախագահ` ԻՏԱՌ – ՏԱՍՍ լրատվական գործակալության գլխավոր տնօրեն Վիտալի Իգնատենկո) անցկացվել են բոլոր մասնակից պետությունների մայրաքաղաքներում՝ բացառությամբ Երևանի, նպատակահարմար Է դիտվել 12-րդ նիստն անցկացնել 2010 թվականի աշնանը՝ Հայաստանի մայրաքաղաքում: Երևանում ԱՊՀ ինֆորմխորհրդի 12-րդ նիստի անցկացման կազմակերպական ողջ աշխատանքը կիրականացնի «Արմենպրես» գործակալությունը»:
