Մայիսի 8-ին հայկական ԶՈւ պատմության մեջ առաջին անգամ կրտսեր սերժանտին ԼՂՀ նախագահ Բակո Սահակյանի կողմից հետմահու շնորհվեց Արցախի հերոսի կոչում: Հերոս կրտսեր սերժանտը 19-ամյա Ռոբերտ Աբաջյանն էր կամ ինչպես նրան իրենց բակում էին ճանաչում՝ մանումենտցի Կյաժը:
Կրտսեր սերժանտը ապրիլի 2-ին իր կյանքի վերջին րոպեներին խոսել է գումարտակի հրամանատարների հետ: «Բոլորը զոհվել են, մնացել եմ ես ու իմ միակ նռնակը»,- իրավիճակը ներկայացրել է Ռոբերտն ու այդ նույն նռնակով պայթեցրել իրեն և թշնամու տասնյան զինվորների:
Հրամանատարը Ռոբերտի հորը պատմել է, որ նրա վերջին խնդրանք-պահանջը եղել է այդ մարտական դիրքը ոչ մի դեքում չհանձնել թշնամուն:
Մանրամասները՝ տեսանյութում:
