ԼՂՀ Ազգային ժողովում մայիսի 7-ին տեղի է ունեցել ՀՀ և ԼՂՀ խորհրդարանների արտաքին հարաբերությունների և պաշտպանության, ազգային անվտանգության ու ներքին գործերի (օրինապահպանության) մշտական հանձնաժողովների համատեղ դռնփակ նիստը`«Ապրիլյան պատերազմի հետևանքով ստեղծված ռազմաքաղաքական իրադրությունը և դրանից բխող գործողությունները» թեմայով:
Նիստի ընթացքում բանախոսությամբ հանդես են եկել Կովկասի ինստիտուտի փոխտնօրեն Սերգեյ Մինասյանը («Ռազմական իրադրություն. մարտահրավերներ, խնդիրներ և զարգացումներ»), Գլոբալիզացիայի և տարածաշրջանային համագործակցության կենտրոնի տնօրեն Ստեփան Գրիգորյանը և արտաքին քաղաքականության ու անվտանգության հարցերով հանրային խորհրդի ղեկավար Մասիս Մաիլյանը («ԼՂ հիմնախնդրի շուրջ առկա արտաքին քաղաքական միջավայրը. մարտահրավերներ և հնարավոր զարգացումներ»):
Տեղի ունեցավ նաև մտքերի փոխանակում, որի ընթացքում փորձագետները պարզաբանումներ տվեցին պատգամավորների հնչեցրած հարցերին:
«Իմ տպավորությամբ՝ բոլորը համամիտ են, որ ի վերջո Լեռնային Ղարաբաղի անկախությունը պետք է ճանաչվի, թե ինչ եղանակներով, ինչ քայլերով և երբ, լսվեցին տարբեր հետաքրքիր կարծիքներ»,- նշեց Ս. Գրիգորյանը:
«Ես կողմնակից եմ բանակցություններին, բայց ո՞ւմ հետ բանակցես, ով ծերերի ականջնե՞ր է կտրում: Այս մթնոլորտում գլխավոր միտքը, որ գալիս է, այն է, թե ինչպես ուժեղացնենք պաշտպանությունը, երկրորդը՝ ինչպես հասնել ԼՂՀ անկախությանը՝ առանց կորուստների:
Մանրամասները՝ տեսանյութում:
