Business Грузия-ի փոխանցմամբ, Վրաստանի նախագահ Միխեիլ Սաակաշվիլին հայտարարել է, որ Վրաստանում կառուցվելու է 10 նոր օդանավակայան.
«Ներկայումս մենք նոր օդանավակայաններ ենք կառուցում երկրի արևմուտքում գտնվող Փոթի քաղաքում, բարձրլեռնային Սվանեթի-Մեստիա վարչական կենտրոնում և Վրաստանի երկրորդ խոշոր քաղաք Քութայիսիում:
Սա միայն սկիզբն է: Մենք Վրաստանում կկառուցենք 10 օդանավակայան և դրանցից յուրաքանչյուրի բացումը կկատարեմ ինքս: Փոթիի օդանավակայանը կիրականացնի միջազգային ավիաչվերթներ և չի զիջի Թբիլիսիի օդանավակայանին:
Հաջորդ տարի էլ մենք ժամանակակից ինքնաթիռներ կգնենք Ֆրանսիայից»:
Հիշեցնենք, որ մոտ կես ամիս առաջ Միխեիլ Սաակաշվիլին Փոթիի կառուցվող օդանավակայանում մասնակցեց նոր ռադիոտեղորոշիչ կայանի (ՌՏԿ) տեղակայման բացման արարողակարգին: Կառուցված ՌՏԿ-ի գործողության շառավիղը կազմում է 400 կիլոմետր:
Այն ժամանակ Սաակաշվիլին հայտարարեց. «Վրաստանի համար ռազմավարական նշանակություն ունեցող Փոթիի օդանավակայանն իր գործունեությունը կսկսի արդեն 2012 թվականին և կլինի Սևծովյան ավազանի երկրների խոշորագույն և ռազմավարական օդնավակայանը: Փոթին Վրաստանի տնտեսության երաշխիքն է»: