ԵՄ-ում չկա միասնական հասարակական կարծիք՝ հայտարարել է Եվրահանձնաժողովի նախագահ Ժան-Կլոդ Յունկերը։ Այս մասին հայտնում է RIA Novosti-ն։
«Մենք տեսնում ենք հասարակական կարծիքի և եվրոպացի քաղաքական գործիչների միջև մեծացող «ճեղք»։ Ցավոք սրտի, եվրոպական հասարակական կարծիք չկա, հասարակական կարծիքները նախկինի պես բաժանված են ազգային կատեգորիաների»,- Յունկերի խոսքերն է մեջբերում Եվրահանձնաժողովի մամլո ծառայությունը։
«Ճեղքը» նա բացատրել է նրանով, որ «մենք պատշաճ կերպով չենք խոսում Եվրոպայի մասին»։ Նույնիսկ ամենաերդվյալ եվրոպացիները, երբ ստիպված են լինում ժամանակ առ ժամանակ բացատրել եվրոպական որոշումները, անում են դա ազգային ռեֆլեքսների, ազգային արձագանքների հիման վրա։
Ավելի վաղ նա հայտարարել էր, որ միգրացիոն ճգնաժամը դարձել է ԵՄ-ի համար համերաշխության ճգնաժամ նրա անդամ երկրների միջև։
