Շվեդական H&M ապրանքանիշը նոր նախագիծ է պատրաստում դիզայներ Իզաբել Մարանի հետ, ում երևակայության մեջ համադրվում են փարիզյան շքեղությունը, քաղաքային ոճը, բոհեմային էլեգանտությունը և ռոքն-ն-ռոլի ոգին: Արդեն հայտնի է, որ կանանց, տղամարդկանց, դեռահասների համար նախատեսված հագուստի և աքսեսուարների նոր հավաքածուն վաճառքի կհանվի 2013 թ. նոյեմբերի 14-ին՝ աշխարհի ավելի քան 200 խանութներում:
Դիզայները հիացած է այս համատեղ աշխատանքով. «Ես հիացած եմ այս համագործակցությամբ: H&M-ն աշխատում է լավագույն դիզայներների հետ, և այս հրավերը մեծ պատիվ է ինձ համար: Իմ նպատակն է ստեղծել որևէ իրական բան՝ այն, ինչ կանայք կցանկանան կրել ամեն օր՝ անփութության որոշակի չափաբաժնով, որը, ինչպես ինձ է թվում, բնորոշ է փարիզուհիներին՝ գեղեցիկ հագնվել, բայց դրան այնքան էլ ուշադրություն չդարձնել, սակայն, միևնույն է, սեքսուալ տեսք ունենալ: Հավաքածուն թեթևություն է ճառագում»:
H&M-ի ստեղծագործական գծով խորհրդատու Մարգարետա վան դեն Բոշն ասել է, որ ընկերության համար ևս մեծ պատիվ է Իզաբել Մարանի հետ աշխատելը:
