Բեռլինի միջազգային «Թեգել» օդանավակայանում 19 մարդ է թունավորվել լվացող միջոցների գոլորշիներից: Այս մասին հաղորդում է ITAR-TASS-ը՝ վկայակոչելով տեղի հրշեջ ծառայությանը:
Տուժել են հիմնականում օդանավակայանի անվտանգության բաժնի աշխատակիցները, ովքեր աշխատանքի են եկել վաղ առավոտյան: Նրանք սրտխառնոց և գլխապտույտ են զգացել: Նրանցից երկուսը հոսպիտալացվել են, նրանց կյանքին ոչինչ չի սպառնում:
Բացի այդ, մի քանի ժամ փակ է եղել C2 տերմինալը: Չվերթները չեն հետաձգվել: «Թեգելի» ներկայացուցիչը հայտարարել է, որ, ըստ երևույթին, գիշերային հերթափոխի հավաքարարները վատ են օդափոխել շինությունը, այդ պատճառով էլ օդանավակայանի սրահներում գոլորշիները կուտակվել են:
