ԱԺ «Ժառանգություն» խմբակցության պատգամավոր Թևան Պողոսյանը Կառավարությանն է ներկայացրել «Մարդու վերարտադրողական առողջության և վերարտադրողական իրավունքների մասին» օրենքում լրացում կատարելու վերաբերյալ օրենսդրական նախագիծ: Պատգամավորն առաջարկում է զորակոչվողների սերմնաբջիջների բանկ ստեղծել` նրանց ժառանգների շարունակականությունն ապահովելու համար:
Թ. Պողոսյանն այս նախաձեռնությամբ հանդես է եկել քառօրյա պատերազմից հետո. «Արդեն հրապարակվում էին զոհերի անունները, մեծ մասամբ ընտանիքի միակ զավակներ էին, փորձեցի ուսումնասիրել, թե ինչպես են վարվում այլ երկրները, որոնք նույնպես երկարատև պատերազմական գործողությունների մեջ են, ուսումնասիրելով միջազգային փորձը՝ ինձ գրավեց Իսրայելի և ԱՄՆ-ի փորձը»:
Թ. Պողոսյանի այս նախաձեռնությունը հանրության կողմից բուռն արձագանքի արժանացավ, ամենատարբեր կարծիքներ հնչեցին:
Իրավապաշտպան Ավետիք Իշխանյանն այս օրենքի նախագիծը կիրառելի չի համարում: Նա նշում է, որ այս նախագծի հեղինակը մի շարք հարցեր հաշվի չի առել. «Ի՞նչ պետք է արվի, արդյո՞ք պետք է օրինագիծ մշակվի, որ հայ աղջիկները պարտադիր պետք է սուրոգատ մայրեր լինեն, ո՞ւմ են պատկանելու այդ սերունդները… Այս օրենքը զինվորներին տրամադրելու է վիրավորվելու կամ զոհվելու, մինչդեռ մեր զինվորները չպետք է մտածեն նահատակվելու և վիրավորվելու մասին»:
Մանրամասները՝ տեսանյութում:
