Ռուսաստանը չի բացառում, որ ՄԱԿ ԱԽ կազմում կարող են հայտնվել նոր մշտական անդամներ՝ ի հավելումն ներկայիս 5-ի (ՌԴ, Մեծ Բրիտանիա, Չինաստան, ԱՄՆ և Ֆրանսիա): TASS-ի հաղորդմամբ՝ այս մասին հայտարարել է ՄԱԿ-ում ՌԴ մշտական ներկայացուցչի տեղակալ Վլադիմիր Սաֆրոնկովը Անվտանգության խորհրդի բարեփոխմանը նվիրված Գլխավոր ասամբլեայի նիստում: Դիվանագետը հաստատել է Մոսկվայի դիրքորոշումն այն մասին, որ «ԱԽ-ի ընդլայնման ցանկացած տարբերակի դեպքում» պետք է պահպանվի վետոյի իրավունքը, որն ունեն մշտական անդամները:
«Ինչ վերաբերում է Ռուսաստանի դիրքորոշմանը, մենք չենք բացառում բարեփոխման տարբերակը, որի դեպքում ԱԽ-ում նոր մշտական անդամներ կընդգրկվեն: Սակայն այդպիսի տարբերակի օգտին որոշման ընդունման համար պետք է հստակ պատկերացնել ամբողջ սխեման, այդ թվում՝ այն, թե կոնկրետ որ երկրները տեղեր կզբաղեցնեն Խորհրդում մշտական հիմունքով: Արժանի թեկնածուների ամբողջ շարքի առկայության դեպքում մինչև այդպիսի պարզություն դեռ հեռու է: Միաժամանակ անհրաժեշտ է մտքում պահել Խորհրդի առավելագույն թվի խելամիտ սահմանը. նրա աշխատանքի արդյունավետության պահպանման համար խելամիտ 20-ից քիչ ավելի»,- ասել է Սաֆրոնկովը:
ԱԽ մշտական անդամների առավել հավանական թեկնածուների թվում նշվում են Գերմանիան, Բրազիլիան, Հնդկաստանը և Ճապոնիան:
