ԱՄՆ նախագահ Բարաք Օբաման, ում լիազորությունների ժամկետը կլրանա այս տարի, չի հավատում, որ Սպիտակ տանն իր իրավահաջորդը կդառնա հանրապետական Դոնալդ Թրամփը։
CNN-ին տված հարցազրույցում լրագրողը Օբամայից հետաքրքրվել է, թե ինչ է նա մտածում այն մասին, թե ինչպիսի որոշումներ կարող է ընդունել Թրամփն ԱՄՆ նախագահի պաշտոնում։
«Ես չեմ մտածում այդ մասին, քանի որ ես չեմ ակնկալում, որ դա տեղի կունենա»,- ասել է Օբաման։
Դեմոկրատ Օբաման պաշտոնավարում է նախագահության երկրորդ և վերջին ժամկետում։ Դեմոկրատական կուսակցությունից նախագահի պաշտոնին հավակնում են Բեռնի Սանդերսն ու նախկին պետքարտուղար Հիլարի Քլինթոնը։ Միլիարդատեր Դոնալդ Թրամփը հանրապետականներից նախընտրական արշավի առաջատարն է։
