«Մեր ռազմավարական դաշնակցին ձեռնտու չէ, որ Հայաստանը ամբողջությամբ հաղթանակ ապահովի ԼՂ-ում, քանի որ Հայաստանը կկորցնի լիակատար կախվածությունն իրենից: Միաժամանակ Ռուսաստանին ամենևին ձեռնտու չէ, որ Ադրբեջանը ապահովի հաղթանակ Հայաստանի նկատմամբ, որովհետև այդ պարագայում Ադրբեջանը կունենա բացարձակ անկախություն և անգամ հույսեր չեն կարողանա փայփայել, որ Ադրբեջանը կմտնի իրենց ծիրի մեջ»: Այս տեսակետը հայտնեց քաղաքագիտության դոկտոր Հայկ Մարտիրոսյանը:
Ըստ քաղաքագետի՝ ՌԴ-ն միջամտեց, որպեսզի պահպանվի ստատուս-քվոն, և Ռուսաստանը կարողանա պահպանել վերահսկողությունը երկու երկրների նկատմամբ:
«Եթե մենք նայում ենք ռուսական ազգային շահերի տեսանկյունից, սա բացատրելի և հասկանալի վարքագիծ է, եթե նայում ենք հայկական ազգային շահերի տեսանկյունից, մենք պիտի Ռուսաստանին չմեղադրենք, այլ պիտի մեզ մեղադրենք, որ չենք պաշտպանում Հայաստանի ազգային շահերը, այլ փորձում ենք պաշտպանել Ռուսաստանի ազգային շահերը»,- նշեց Հայկ Մարտիրոսյանը:
Մանրամասները՝ տեսանյութում: