Թուրքական Anadolu լրատվական գործակալության փոխանցմամբ՝ Թուրքիայի զինված ուժերը Fırtına տիպի հաուբիցներով ու բազմափող հրթիռային մարտկոցներով հարվածել են Սիրիայի Թուղհալի շրջանում գտնվող ԴԱԻՇ-ի դիրքերին: Արդյունքում վնասազերծվել է ԴԱԻՇ-ի 34 անդամ:
Բացի այդ, Ինջիրլիքի ավիաբազայից օդ բարձրացված 4 հարվածային անօդաչու թռչող սարքերի օգնությամբ վնասազերծվել է ԴԱԻՇ-ի 29 զինյալ:
Հարվածները հասցվել են երեկ, ժամը 11.15-ին՝ այն բանից հետո, երբ Քիլիսի նահանգը կրկին հարձակման է ենթարկվել Սիրիայում ԴԱԻՇ-ի վերահսկողության տակ գտնված տարածքից:
