Հյուսիսային Կորեայում իշխող Կորեայի Աշխատանքային կուսակցության համագումարից առաջ անվտանգության նպատակներով արգելվել են հարսանիքներն ու հուղարկավորությունները: Այս մասին հայտնում է «Ռենհափ» գործակալությունը:
Մայիսի 6-ին տեղի ունենալիք համագումարը կլինի առաջինը 36 տարվա մեջ:
Հարավկորեական լրատվական գործակալության աղբյուրը նշում է, որ Հյուսիսային Կորեայում սահմանվել է հսկողության հատուկ շրջան՝ սահմանափակվել է մուտքը երկրի մայրաքաղաք Փխենյան, նշվում է նաև Չինաստանի հետ սահմանի երկայնքով զգոնության աճը: Մարդկանց կուտակումներ թույլ չտալու համար քաղաքացիներին կարգադրված է հրաժարվել զանգվածային միջոցառումներից, նույնիսկ հարսանիքներից ու հուղարկավորություններից:
Ըստ գործակալության՝ առաջիկա համագումարը կոչված է ամրապնդելու երկրի առաջնորդ Կիմ Չեն Ինի իշխանությունը:
