Ստամբուլում ընդդիմադիր ակցիաների կազմակերպիչները կիրակի օրը մտադիր են մեծ ցույց անցկացնել Թաքսիմ հրապարակում: Ինչպես հաղորդում է Interfax-ը, այս մասին հայտարարել է ակցիայի կազմակերպչական կոմիտեի ներկայացուցիչը:
«Մոտակա կիրակի Թաքսիմ հրապարակում կարող է մեծ ցույց անցկացվել: Մենք չգիտենք՝ արդյոք ոստիկանությունը կմիջամտի՞, թե՞ ոչ»,- նշել է նա:
Նա պարզաբանել է, որ չնայած ոստիկանությունը ցրում է բողոքի ակցիաները, հրապարակում կրկին ակտիվիստներ են հավաքվում:
«Հրապարակում կրկին շատ մարդիկ կան: Սակայն եթե երեկ այստեղ ֆուտբոլի շատ երկրպագուներ էին, ապա այսօր ՝ հիմնականում տարբեր արհմիությունների անդամներ, նկարիչներ և ուսանողներ»,- ասել է ակցիայի կազմակերպչական կոմիտեի ներկայացուցիչը: