Google ընկերությունն արտոնագրել է տեխնոլոգիա, որը սմարթֆոնների ու պլանշետների տերերին կարող է ազատել գաղտնաբառերի ներմուծումից: Իրենց սարքերի ապաարգելափակման համար նրանք կդիմեն ծամածռությունների՝ լեզու կհանեն, աչքով կանեն և այլն: Այս մասին հայտնում է The Daily Mail-ը:
Android օպերացիոն համակարգի վերջին տարբերակն արդեն աջակցում է ապաարգելափակման այդ միջոցին: Տեխնոլոգիայի հիմքում ընկած է դեմքերի ճանաչման գործառույթը:
Սարքը ձեր դիմախաղը կհամեմատի այն լուսանկարի դիմախաղի հետ,որը պահպանված է նրա հիշողությունում: Արտոնագրում չի նշվում, թե օգտատերը սարքն ապաարգելափակելու քանի փորձի հնարավորություն ունի:
Google-ում հրաժարվել են մեկնաբանել՝ Android-ի նոր տարբերակում տեխնոլոգիան կկիրառվի՞, թե՞ ոչ:
